生態遊之選!西貢獅子會自然教育中心|遊山玩水

Share on twitter
Share on facebook
Share on telegram
Share on whatsapp
Kyuu & Wani - 生態遊之選!西貢獅子會自然教育中心|遊山玩水

Kyuu & Wani 嚟咗西貢,原本係只係諗住去白沙灣碼頭行下,就去西貢公眾碼頭嗰邊揾嘢食。點知,就喺行去西貢公眾碼頭嗰段路,俾我地發現咗西貢獅子會自然教育中心呢個地方。好即興咁就開始咗Kyuu & Wani自然生態遊啦~

西貢獅子會自然教育中心入面有好多展覽館,室內嘅展館包括貝殼館昆蟲館漁館地質公園遊客中心等等,而戶外嘅場地就有唔同礦石、動植物標本同農作物。由於我地發現呢個地方發現得太晏喇,室內展館下晝4點半就閂咗,我地接近5點先到,所以就錯過咗室內展覧館喇~不過,剩係睇戶外展區嘅嘢都睇唔哂。我地揀咗幾個位嚟睇,礦石角農作物趣味植物,同埋中草藥園

Kyuu & Wani - 獅子會自然教育中心
獅子會自然教育中心

先講下礦石角,一路行短短嘅觀看遊步道,左右兩邊都有幾十種由香港唔同地方、唔同年代搜集得到嘅礦石標本。最好嘅地方係我地可以用手摸下呢啲岩石,唔係剩係用眼去睇。

Kyuu & Wani - 獅子會自然教育中心礦石角
獅子會自然教育中心礦石角
Kyuu & Wani - 獅子會自然教育中心閃鋅礦
獅子會自然教育中心的閃鋅礦
Kyuu & Wani - 獅子會自然教育中心偉晶岩
獅子會自然教育中心偉晶岩

第二站,我地去咗農作物區睇,見到好多平時我地街市會見到嘅菜,好似西洋菜蕃茄等等。

Kyuu & Wani - 獅子會自然教育中心西洋菜
獅子會自然教育中心的西洋菜
Kyuu & Wani - 獅子會自然教育中心蕃茄
獅子會自然教育中心的蕃茄
Kyuu & Wani - 獅子會自然教育中心慈菇
獅子會自然教育中心的慈菇

再行就嚟到趣味植物區,有啲植物都真係少見到。最開心係見到怕醜草!以前香港好似常見啲,但近幾年好似絕跡咗咁。仲記得Kyuu以前讀小學嘅時候,有位老師送嘅獎禮唔係文具、貼紙,而係送細細盤嘅植物俾學生,嗰時Kyuu就揀咗一盤怕醜草返屋企種,每日我返學前、放後後都用手輕輕掂佢,睇住佢合埋就覺得好得意、好好玩。估唔到,嚟到獅子會自然教育中心見返怕醜草,勾起返唔少童年回憶呀!

Kyuu & Wani - 獅子會自然教育中心趣味植物
獅子會自然教育中心趣味植物
Kyuu & Wani - 獅子會自然教育中心怕醜草
獅子會自然教育中心的怕醜草

呢個地方都幾岩小朋友認識大自然生態,認識下平時食嘅生果蔬菜原貌係點,又可以教育下佢地保護大自然嘅重要性。大人嚟都唔錯架,Kyuu & Wani今日嚟到見到都冇唔少大人嚟行下、喺草地坐下野餐、放狗。如果大家行到攰,呢個自然教育中心入面仲有間「聰鳴茶座」可以食下野。不過,我地去到已經閂咗門。建議打算嚟就要早少少喇~

其實西貢獅子會自然教育中心入面仲有蕉坑自然教育徑可以行,不過時間有限,Kyuu & Wani今次就冇行,唯有留返下次去嘅時候再同大家介紹啦喇!

***🧳🚃🚅🚂🚇✈️🚀🚁🚤🚢***

下一次去邊好 👉🏻 童年回憶尋寶之旅!灣仔太原街|遊山玩水 | Kyuu & Wani

更多好去處 👉🏻 遊山玩水 | Kyuu & Wani

Share on twitter
Share on facebook
Share on telegram
Share on whatsapp

Leave a Comment

Your email address will not be published. Required fields are marked *