流行曲大家一定有聽過。不過，聽講呢個年代嘅人主要都係聽外國嘅流行歌，廣東歌反而比較少聽。究竟香港其實仲有冇人係聽緊廣東歌？Kyuu & Wani我的少年時代最中意嘅歌手係…方力申同鄧麗欣～
香港廣東歌曾幾何時係風靡一時，香港人一路行一路會聽住Sony嘅Walkman（隨身聽音樂播放器），播住一首又一首嘅香港廣東話流行曲。就好似Kyuu & Wani嗰個年代就係香港偶像派廣東歌手盛行嘅年代，那時候由卡通片主題曲到電視劇主題曲，甚至廣告歌曲，都是由星級專業歌手主唱的：數碼暴龍主題曲 – 鄭伊健、劉德華、林峯、麥浚龍；百老匯廣告歌曲 – 容祖兒⋯⋯
然而唔知去到幾時廣東歌就開始少咗好多人聽，反而好多人轉聽韓文普通話甚至泰文。少咗人聽廣東歌，可能係因為而家係爆炸性嘅網絡年代，要聽外國嘅歌曲、睇外國嘅電影、追外國嘅明星，幾乎全部網上都可以輕易做到，所以特別係年輕一代嘅香港人，更容易喺社交平台接觸其他國家嘅文化。加上非本地歌手的形象，比起香港的確是打造得更加偶像派，所以聽廣東歌的香港人越來越少也不足為奇。
近日，本地電視台無綫電視的高層改朝換代，由曾志偉擔任高層重要職位，成為無綫副總經理兼行政委員會特別顧問。曾志偉大手進行改革包括與香港三大唱片公司（環球、華納及Sony Music）進行世紀大和解，相關消息提起左大家原來大約十年前，無綫因為版權費問題與香港三大唱片公司關係一直冰封至今。無可否認，無綫作為一個在香港知名的免費電視台，如果香港歌手的歌曲能在無綫播放，的確會為廣東歌帶來一定的宣傳效果。然而，因為無綫和唱片公司的關係決裂，導致部份知名歌手例如陳奕迅、張敬軒等等，都不能在無線的大螢幕出，現這的確對廣東歌的推廣有一大程度的影響。
雖然新興的免費電視台ViuTV一直致力推廣廣東歌，然而暫時免費電視的市場佔有率還是無綫稍勝一籌，單憑ViuTV一個電視台未必能夠使廣東歌重振輝煌。如今無綫和三大唱片公司進行世紀大和解，對本地歌曲的推廣會有更大幫助嗎？希望廣東歌能夠繼續發揚光大。
今個週末去邊玩？ 👉🏻 童年回憶尋寶之旅！灣仔太原街｜遊山玩水 | Kyuu & Wani
