出道咗十幾年，周國賢2022年終於喺紅館開演唱會啦！周國賢第一次開演唱會，同時Kyuu & Wani都係一生中第一次去聽演唱會～ 先講結論：高質。
演唱會個主題係《Endy Chow jaugwokyin THE END》，2022年9月2日～2022年9月4日 喺紅館總共開咗三場演唱會。一連3場嘅演唱會曲目同內容都有變化，每個故事都精彩。
「星星們，我都準備好同你地一齊買飛！
非常感謝大家的關心，我即將有show了
2022第一次開紅館，有人覺得遲，但我覺得剛剛好，
因為我知道這次，終於是一個對的時機了。
由「14天」唱到現在，一直都在做自己喜歡的事，
已經足夠感恩了，謝謝你們！
有關公開發售門票事宜稍後會公布，
請大家密切留意，再一次，
非常感謝你們喜歡我的音樂。」
–Endy
我哋本身雖然有聽過周國賢啲歌但係坦白講唔算係佢嘅忠實粉絲，都係食佢幾首最出名嘅歌例如《目黑》、《地下街》。今次會聽佢演唱會其中一個主要原因係終於買到演唱會飛！係終於。
大家都知我哋香港個演唱會售票系統幾咁強大，啲黃牛飛幾咁抵玩，香港演唱會嘅門票可謂一票難求。適逢今次有朋友嘅公司可以拎到飛，我哋就決定試吓去感受演唱會嘅氣氛。兩個唔算好忠實嘅樂迷我要聽周國賢嘅演唱會，感覺會係點？
## 周國賢有俾足力
我哋嘅感覺係：好感度大增。一個歌手唱歌好唔好聽固然重要，但作為偶像作為公眾人物佢點樣面對fans某程度上比起佢唱歌好唔好聽可能係更重要。今次嘅演唱會完全感受到周國賢係有用心準備，而且好珍惜同樂迷相處嘅每1分鐘。
人係會成長，見到周國賢今次演唱會咁認真做咁努力唱，覺得呢個歌手值得欣賞值得支持。
## 演唱會Encore現場情況：《黃金入球》！
繼續上 全力上 無懼每個對手招式多誇張
不怕跌傷 要用雙腿創造我理想
無論進 無論退 無論哪個領先都不必慌張
只管再進攻 決心奮力圖強
我哋嗰日睇演唱會係睇尾場， 氣氛真係不得了！ 首先周國賢係帶動到氣氛， 成場演唱會有好長時間啲樂迷係忍唔住企晒起身， 全部人都好熱血！ 演唱會個主題以類似舞台劇嘅形式展現出嚟， 有10幾位舞台劇演員因應演唱會故事同埋歌詞演繹出一套舞台劇， 聽歌同時有舞台劇睇可以話係係雙重享受。
話說上一場演唱會有個小插曲。周國賢休息時候突然感性起來想講啲感人嘅， 點知有個觀眾係成場正晒嘅時候大叫：「 唱黃金入球！」， 周國賢一時反應唔到搞到個感性嘢都講唔出，少慘XD，講真成件事都缺乏尊重。 今日尾場， 演唱會本身11點幾完咗， 啲樂迷完全唔肯走係咁叫周國賢出嚟encore， 估唔到佢又真係出返嚟喎YEAH～ Encore左首《黃金入球》， 講真嗰陣時我已經心滿意足， 點知之後係周國賢唔捨得走hahahaaa， encore完又走再出返嚟再encore，encore咗幾次！ 最後個演唱會去到大約凌晨一點正式圓滿結束。
Encore 究竟有咩意義？
講起encore， 對於我個人嚟講其實我唔覺得一個演唱會要有encore先抵睇， 反而如果唔係因為我特別鍾意嘅歌手我希望佢唔好encore， 趕唔到尾班車返屋企幾鬼麻煩。 究竟點解開演唱會最好有encore？ Encore嘅意義係乜嘢？
對於歌手嚟講， encore係代表個歌手珍惜同樂迷相處嘅每1分鐘對於樂迷來講亦都係一樣想聽encore其實都係想見到自己嘅偶像多一陣。人生冇encore is fine，演唱會唔係人生，演唱會係一場演出一場可以比個手痛學埋相處嘅一場大型演出，如果我開一場演唱會，只要有氣有力就算要陪場地錢我都會encore到底。
## 🎧 周國賢煲歌列表 🎤
以下幾首由周國賢唱嘅歌旋律好聽、歌詞細膩， 有部份係周國賢自己作詞／作曲，值得推介。
- 目黑
- 地下街
- 逃生門（門外版）
- 塵世美
- 身後身
- 離魂記
- 有時
- 今生不回家
- 在天之靈
- 時間的初衷
- 最終幕
- 黃金入球（卡通《踢出我天地》主題曲）
## 周國賢的簡介
周國賢 Endy Chow Kwok-yin，香港音樂人、創作歌手及演員，樂隊Zarahn的主音兼結他手。在2004年以個人名義出道，出道專輯《周國賢同名EP》。在2020年以電影《一秒拳王》中周天仁一角得到「香港電影導演會年度大獎最佳男主角」。（來源：維基百科）
.
.
.
【在更多平台追蹤Kyuuwani】
▶ 官方網站：https://kyuuwani.com
▶ Instagram：https://instagram.com/kyuuwani
▶ Spotify：https://podcast.kyuuwani.com
▶ Facebook：https://facebook.com/kyuuwani
▶ Twitter：https://twitter.com/kyuuwani
▶ YouTube：https://yt.kyuuwani.com
