今日Kyuu & Wani約咗出嚟～一齊整Kyuu & Wani嘅所有所有嘢，包括官方網站、Instagram、podcast平台等等……之前我哋一開始錄podcast，都估唔到有咁多聽眾朋友支持；而家眼見越來越多聽眾朋友，唔單止喺香港嘅朋友，仲有來自世界各地嘅聽眾朋友，包括澳門、台灣、馬來西亞甚至係歐美國家我哋Kyuu & Wani都唔可以怠慢啦，所以決定要整靚個官網俾大家。
整呢個網都唔簡單㗎，網站係由Wani做版面設計，而Kyuu就係幫手整好多設計圖啊、寫文章啦呀咁，分工合作先可以咁快將個Kyuu & Wani官方網站寫好出嚟。而家暫時整得最完善係個首頁，其他頁面呢將會陸續為大家更新，請多多繼續支持！
工作同時都要休息一下，所以我哋今日去咗麥當勞，邊整Kyuu & Wani官網，邊食住麥當勞新出嘅：福岡士多啤梨雪糕～呢個雪糕係個底嗰度有士多啤梨醬，係有果肉嘅士多啤梨醬，中間係福岡士多啤梨味雪糕，最頂係一層朱古力醬，本身係溶嘅朱古力醬，放咗喺雪糕上面就凝結咗變成一塊脆皮朱古力。唔錯唔錯，幾好食，不過特別Wani係超級鍾意食朱古力嘅，所以佢都係鍾意之前麥當勞同Hershey’s合作嘅全朱古力味雪糕，希望快啲再出啦😋
