黎緊星期日去邊好？難得放假，梗係遠離都市，去到新界區郊遊下呼吸下新鮮空氣～Kyuu & Wani 今次試下去釣魚翁郊遊徑行山。分享下我地今次嘅路線俾大家先：五塊田 → 釣魚翁郊遊徑 → 上洋山 → 下洋山 → 廟仔墩 → 清水灣道。越野單車出沒注意！釣魚翁郊遊徑某啲位會同越野單車徑重疊，如果平日去要小心行，留意越野單車。
一早出發，去到鑽石山站，坐91號巴士，喺「五塊田」站落車。一落車就會見到個涼亭同寫住釣魚翁郊遊徑嘅指示牌。沿住梯級向上行，跟住大廟指示牌方向行。
Kyuu & Wani 第一次嚟就遇到好好天氣，藍天白雲，隨便影張相都靚。沿途會睇到相思灣同牛尾洲，仲會睇到三尖之一嘅釣魚翁。
Kyuu Wani今次由五塊田出發，行大概25分鐘就上到去上洋山，再行多20分鐘就到下洋山。行到去廟仔墩就差唔多用咗45分鐘，再行咗40分鐘喺清水灣道嗰邊落山，連埋影相休息，全程用咗兩個幾鐘左右。
我地揀咗清水灣道嗰邊落山，落到去就見到清水灣道巴士站。不過我地就今次就冇坐返巴士，因為咁岩有架103號小巴，我地就坐呢架小巴喺觀塘站落車。Kyuu & Wani都覺得呢條行山路線都唔算難行，而且交通方便容易去，而且風景靚，值得一去。
***🧳🚃🚅🚂🚇✈️🚀🚁🚤🚢***
下一次去邊好 👉🏻 數碼港 x 寶麗來的悠閒文青之旅｜遊山玩水 | Kyuu & Wani
更多好去處 👉🏻 遊山玩水 | Kyuu & Wani
