Kyuu & Wani 有個週末嚟到數碼港行下。因為數碼港交通唔係咁方便，俾我地感覺地方偏辟、消費貴，所以我地之前都冇諗過去呢個地方。難得有日去開堅尼地城個邊，就諗住去埋數碼港啦。係堅尼地城坐58號小巴，大概15分鐘，就到數碼港。
數碼港商場嘅餐廳選擇唔多，Kyuu & Wani 好彩喺已經食飽咗先入嚟數碼港。不過嚟到有啲口渴，我地喺超市見到個幾特別嘅椰青，就買咗嚟飲。見到唔少外國人就中意係呢度嘅酒吧餐廳食漢堡包括飲酒，氣氛都幾悠閒。
今次我地帶咗Mint Camera度買嘅SLR670S寶麗來即影即有相機，可以係數碼港公園度試下機，扮下文青。Mint Camera 改裝咗SX-70寶麗來相機，仲加咗個Time Machine 俾我地可以自己較快門速度。A600快門就係我常用嘅，呢個模式係俾寶麗來600菲林專用嘅。
喺數碼港海濱長㾿，會見到好多人都帶埋小朋友同狗仔散步。數碼港海濱公園有一大片綠油油嘅草地，帶隻狗仔去放電就岩哂喇。我地Kyuu & Wani 就坐係長櫈度見證住夕陽西下。玩下寶麗來即影即有相機，吹下海風，好快就到咗夜晚。
如果大家想遠離煩囂，享受一個悠閒週末，數碼港都係一個唔錯嘅選擇。
***🧳🚃🚅🚂🚇✈️🚀🚁🚤🚢***
下一次去邊好 👉🏻 偏向虎山行？重新遊大澳｜遊山玩水 | Kyuu & Wani
更多好去處 👉🏻 遊山玩水 | Kyuu & Wani
